ҚХЛ: «Барыс» шабуылшысы үздік сұрмергендер тізімінде көш бастады

«Барыс» хоккей клубының шабуылшысы Никита Михайлис ҚХЛ тұрақты чемпионатының үздік сұрмергендер тізімінде көш бастады, деп хабарлайды Prosports.kz.

Жаңа маусымның алғашқы төрт матчының нәтижесі бойынша, 25 жастағы «Барыс» ойыншысы төрт шайба соқты. Ал жалпы ұпай бойынша (шайба+ассистент) ол бесінші орында тұр.

Айта кетейік, «Барыс» келесі кездесуін 12 қыркүйекте өз алаңында мәскеулік «Динамоға» қарсы өткізеді.