Ақмолалық волейболшылар ел чемпионы атанды

<span>Волейболдан ҚР чемпионаты мерзімінен бұрын аяқталды. 48 ұпай жинаған көкшетаулық «Ұшқын - Көкшетау» волейбол клубы бірінші орын алды. </span>

<span>Ведомствоның мәліметінше, Қазақстанның волейбол федерациясы коронавирус пандемиясына байланысты ерлер арасында волейболдан ел чемпионатын ерте тоқтатуға мәжбүр болды.</span>

<span>«Чемпионатқа барлығы он команда қатысты. Оның ішінде «Ұшқын - Көкшетау» волейбол клубы турнир кестесінде 48 ұпаймен бірінші орында тұрды. Сол себепті көкшетаулық команда - чемпион, ал одан кейінгі жүлделі екінші және үшінші орындарды Орал және Қызылорда командалары өзара бөлісті», - дейді ведомствоның баспасөз хатшысы Махаббат Большина.</span>

<span>«Ұшқын - Көкшетау» командасының капитаны Қанат Ғабдуллиннің айтуынша, маусым команда үшін сәтті өтті. </span>

<span>«Біз жеңіске жеткенімізге өте қуаныштымыз. Бірлесіп жоғары нәтижеге қол жеткіздік», - дейді К.Ғабдуллин. </span>

<span>Елордада Қазақстанның волейбол федерациясы жеңімпаздарды марапаттады. </span>

<span>Ақмола облыстық облыстық денешынықтыру және спорт басқармасының басшысы Әсет Бүкібаев атап өткендей, қарсыластар өте мықты командалар болды. Соған қарамастан, ақмолалықтар жеңіске деген жігер танытты.</span>