Бразилиялық спортшының Мария Агаповаға қарсы жекпе-жектен неге бас тартқаны белгілі
<span>Жақында ғана UFC ұйымымен келісімшартқа отырған қазақстандық спортшының Мария Агапованың алғашқы қарсыласы не үшін ауысқаны белгілі болды.</span><br /><br /><span>13 маусым күні өтетін аралас жекпе-жек кешінде Мария Агапова бразилиялық Мелисса Гаттомен жұдырықтасуы қажет болатын. Алайда бүгін белгілі болғандай, оның орнына октагонға америкалық Ханна Сайферс (10-5) шығады. </span><br /><br /><span>АҚШ билігі Бразилияда коронавирус індетінің өршуіне байланысты бұл ел азаматтарының келуіне тыйым салды. Осылайша, Мелисса Гатто виза алғанына қарамастан АҚШ-қа аумағына кіре алмады.</span><br /><br /><span>Мария Агапова аралас жекпе-жекте тек тоғыз жекпе-жек өткізіп, олардың сегізінде жеңіске жетсе, бір рет жеңіліп қалды. Ол соңғы екі жекпе-жекті Invicta FC ұйымы аясында өткізді. </span><br /><br /><span>Айта кетейік, Агапова UFC лигасында өнер көрсететін алғашқы қазақстандық қыз болмақ.</span>