Макгрегор Хабиб - Гэтжи жекпе-жегінің жеңімпазымен кездесуі мүмкін

UFC президенті Дэйна Уайт промоушеннің екі салмақ дәрежесінде бұрынғы чемпионы Конор Макгрегор титулды жекпе-жек өткізетінін мәлімдеді, деп хабарлайды Prosports.kz тілшісі. 

Ұйым басшысының сөзінше, Макгрегор октагонда Хабиб Нурмагомедов - Джастин Гэтжи жекпе-жегінің жеңімпазымен кездеседі. 

«Гэтжи мен Хабиб жекпе-жегін күтіп жүрмін. Оның қалай аяқталарын көргім келеді. Кейін жеңімпаздың Конормен кездескенін күтемін», - деді Уайт ESPN телеарнасындағы шоулардың бірінде. 

Хабиб Нурмагомедов пен Джастин Гэтжи жекпе-жегі 2020 жылы қыркүйекте өтуі мүмкін.