ӘЧ -2020: Қазақстан алғашқы ойынында Швейцариямен кездесетін болды

<span>НҰР- СҰЛТАН. ҚазАқпарат - Халықаралық хоккей федерациясы (IIHF) элиталық дивизиондағы командалар арасында 2020 жылғы әлем чемпионаты басталғандығын мәлімдеді.</span>

<span>Ұйымдастырушылардың айтуынша, карантин және түрлі шектеулер спорттық шаралардан тыс қалуға себеп бола алмайды. Сондықтан Әлем чемпионатын өткізуге шешім қабылданған. Қазақстан командасы қатысатын бұл жарыс дауыс беру арқылы виртуальды форматта өткізіледі.</span>

<span>Әлем чемпионатының жоспарланған әр матчына екі сағатқа созылатын уақыттың ішінде дауыс беруге болады.</span>

<span>Жанкүйерлердің дауыс саны және Федерацияның өз формуласы бойынша қорытындысы жарияланады. Өз даусыңызды әлеуметтік желідегі IIHF ресми аккаунтында қалдыруға болады.</span>

<span>Бұл дүбірлі додада Қазақстан алғашқы ойынын Швейцариямен өткізеді. Матч 10 мамырда болады.</span>

<span>Айта кетер болсақ, бұдан бұрын мына командалар кездескен еді. Олар: Ресей - Швейцария - 4:3 (буллиттер), Швеция - Чехия - 5:4 (буллиттер), Канада - Германия- 4:1, Финляндия - АҚШ - 6:3.</span>