Ресми: «ПСЖ» Франция чемпионы атанды

30 сәуірде Франция Кәсіби Лигасының (LFP) отырысы өтті. LFP директорлар кеңесі 1-лига мен 2-лигада 2019-2020 маусымын аяқтауға дауыс берді, деп хабарлайды Prosports.kz.

«ПСЖ» ресми түрде 1-лиганың чемпионы деп танылды. Франция чемпионаты коронавирус пандемияcына байланысты тоқтатылған кезде париждіктер екінші орындағы «Марсельден» 12 ұпайға озып тұрған еді. «ПСЖ» осылайша, 9-шы рет чемпион атанды.

Бұған дейін Франция премьер-министрі Эдуард Филипп коронавирус таралу қауіпіне байланысты 2019-2020 жылдар маусымы ойнатылмайтынын мәлімдеген еді.