«Алматы» волейбол клубының бапкері қызметінен кетті

«Алматы» әйелдер волейбол клубының жаттықтырушылар құрамында өзгерістер болды, деп хабарлайды Prosports.kz.

Бұл туралы клубтың баспасөз қызметі мәлімдеді.

«Біздің клубтың Ұлттық лигадағы негізі командасы мен U23 жасқа дейінгі Жоғарғы лигадағы команданың бас жаттықтырушылары Вячеслав Шапран мен Людмила Перевертова, сондай-ақ дәрігер Рустам Исмаилов қызметінен кетті.

Бапкерлер алқасында жаңа тағайындаулар жақын арада жарияланады», - деп жазды клубтың баспасөз қызметі инстаграм желісіндегі ресми парақшасында.