Қазақстанда жоспарланған UFC турнирі өтпеуі мүмкін

Қазақстанда жоспарланған алғашқы UFC турнирі өтпей қалуы мүмкін, деп жазады<span> </span>Prosports.kz.

Ресми хабарланбаса да 13 <span>маусымда Нұр-Сұлтан қаласында UFC турнирі </span>өтетіні жайлы ақпарат тараған.<span> Бұл кеште </span><span class="s1">UFC ұйымымен ақпан айында келісімшарт жасасқан Жалғас Жұмағұлов, аталған ұйымдағы алғашқы қазақстандық Шавкат Рахмонов сынды файтерлер өнер көрсетеді деп жоспарланған.</span>

<span class="s1">Ал кештің басты жекпе-жегінде р</span>есейлік Петр Ян (14-1) мен бразилиялық Марлон Мораес (23-6-1) жұдырықтасуы мүмкін еді.

Алайда бұл жекпе-жек жеке аралда өтетін болды Бұл туралы бразилиялық файтер Instagram желісіндегі жеке парақшасында жазды.

- Аралдың қайда екенін және оған қалай жететінімді білемін. Бәрі рас, таяуда жаңалықтар шығады. Жекпе-жек өтеді, UFC бәрін дұрыс істейді деп сенеміз, - деп жазды Мораес. 

UFC турнирін жеке аралда өткізу жайлы алғаш рет айтылып отырған жоқ. Бұған дейін <span class="s1">Хабиб Нурмагомедов пен Тони Фергюсон өнер көрсететін </span><span class="s1">UFC 249 турнирін аралда өткізу жоспарланған (турнир өткен жоқ).  </span>

Айта кетейік, бұған дейін UFC спортшысы Дамир Исмагулов Қазақстанда жоспарланған UFC турнирінің кейінге қалдырылуы мүмкін екенін айтқан болатын.