Рыпакова қазақстандықтарды үйде отыруға шақырды
Қазақстандық жеңіл атлет Ольга Рыпакова карантин кезінде қазақстандықтарды үйде отыруға шақырып, үйдегі жаттығуларының видеосын жариялады.
Бұл туралы спортшы өзінің инстаграм парақшасында жазды.
«Бұл сөз барлығын мезі қылса да тағы қайталаймын: үйде болыңыздар. Вирусты таратпау үшін барлығын жасайық. Жақындарымызды ойлайық»,- деді Рыпакова.
Естеріңізге салатын болсақ Ольга Рыпакова үш қарғып секіруден Лондон Олимпиадасының алтын жүлде иегері. Пекин Олимпидасында күміс, Рио Олимпиадасында қола медаль жеңіп алған.
