Георгий Кичигин ACA-мен келісімшартқа отырды

Қазақстандық файтер Георгий Кичигин (23-6) ACA компаниясымен келісімшартқа отырды, деп хабарлайды Prosports.kz.

Жартылай орта салмақ дәрежесінде (77 келі) бұрынғы FN Global чемпионы соңғы үш жекпе-жегін жеңіспен аяқтады. Өткен жылдың сәуір айынан бастап Кичигин Alash Pride, Krestov Brod FC және RCC турнирлерінде жеңіске жетті.

«Рыцарь» ММА-дағы мансабын 2012 жылдың желтоқсан айында бастаған. Содан бергі көрсеткіші - 23-6. Осы уақыт ішінде Георгий Жартылай орта салмақта (77 келі) Fight Nights Global чемпионы атанды. Сонымен қатар, ол Alash Pride, One FC туы астында өнер көрсеткен.