MMA-де 59 жекпе-жек өткізген файтер бірнеше адам өлтірді деген күдікке ілінді

Аралас жекпе-жектен мәнсабында 59 мәрте төбелескен американдық бұрынғы файтер Седрик Маркс бірнеше кісі өлтірді деп күдіктелуде, деп жазады Prosports.kz.

Аssociated Press агенттігінің хабарлауынша, 45 жастағы американдық 2009 жылы өз баласының анасын өлтірді деп айыпталып отыр. Седрик әйелді өлтірген соң қолын кесіп тастаған және оны анықтау мүмкін болмас үшін тістерін жұлып алған.

Полиция сонымен бірге Маркстің басқа бір әйелдің өліміне қатысы туралы ақпаратты зерттеп жатыр. Сонымен бірге техастық ер адамды да өлтірген болуы мүмкін.

Спорты 59 жекпе-жегінде 31 рет жеңіп, 28 мәрте ұтылған. Маркс мәнсабын 2018 жылы аяқтады.