ТЖ байланысты шайбалы хоккейден ҚР чемпионаты жеңімпаз анықталмастан тоқтатылды

<span>Қазақстанның шайбалы хоккей федерациясының кеңсесінде клубтар басшыларымен шұғыл отырыс өтті, деп хабарлайды ҚазАқпарат тілшісі.</span>

<span> Бұдан бұрын федерация басшылығы ел біріншілігін белгісіз мерзімге дейін шегеру туралы шешім қабылдаған болатын. </span>

<span>Бұған әлемді дендеген коронавирус дерті себеп болды. Бүгінгі отырыстың қорытындысы бойынша, ерлер командалары арасындағы ҚР чемпионатын аяқтау туралы ресми шешілді.</span>

<span> «</span><span>2019-2020 жылғы ҚР ашық чемпионатын жеңімпаздың анықталуынсыз аяқтау туралы шешім қабылданды. Клубтардың бәріне ойыншылар, бапкерлер мен команда персоналдары алдында айлықтары бойынша барлық міндеттемені орындауға кеңес берілді», - деп хабарлады федерациядан. </span>

<span>Әйтсе де чемпионаттың географиясын кеңейту жұмыстары әлі де жүргізіліп жатыр. Атап айтқанда, ҚР ашық чемпионатына 2020-2021 жылы Біріккен Араб Әмірліктерінің Әбу-Даби әмірлігінің бір бөлігі саналатын Әл Айн қаласынан өтінім түскенін мәлім етті. Қазіргі таңда аталмыш мәселе шешіліп жатыр.<br /></span>