Бекзат Нұрдәулетов Олимпиада ойындарына жолдама алды
Амман қаласында (Иордания) бокстан Токио Олимпиадасына аймақтық іріктеу турнирі өтіп жатыр, деп хабарлайды Prosports.kz.
8 наурызда қазақстандық боксшылардан екінші болып шаршы алаңға шыққан Бекзат Нұрдәулетов (81 келі) еш қиындықсыз жеңіске жетті.
Жас әлем чемпионы Бекзат ширек финалда тәжік боксшысын 5:0 есебімен жеңді. Сөйтіп, Олимпиада ойындарының жолдамасына иелік етті.
Бұған дейін Абылайхан Жүсіпов та Олимпиадаға жолдама жеңіп алған болатын.
Айта кетейік, бүгін күндігі сессияда Василий Левит (91 келі) те өнер көрсетеді.
