«Қызыл-Жар» жаңа екі футболшымен қатарын толықтырды

«Қызыл-Жар» футбол клубы Витаутас Андрюшкявичюс пен Игорь Зеньковичты қатарына қосты, деп хабарлайды Prosports.kz

Витаутас футболдағы мансабын 2007 жылы «Каунас» футбол клубында бастаған. Кейінірек бірнеше командада өнер көрсеткен. Қазақстан біріншілігіне былтырғы маусымның ортасында келген. Өткен маусымда «Тобыл» сапында 12 матч өткізген. 

Игорь Зенькович 2012 жылдан бері қазақстандық командаларда ойнап жүр. Белорусиялық футболшы өткен маусымда ҚПЛ-да 13 кездесуде алаңға шыққан.