«Барыс» Финляндияда «Йокеритті» ірі есеппен жеңді

<span>Бүгін елордалық «Барыс» құрлықтық хоккей лигасындағы кезекті кездесуінде Финляндияның «Йокерит» командасымен ойнады.</span>

<span> «Барыс» енді қатарынан төрт ойынды сырт айдында өткізеді. Бүгінгі кездесу - соның алғашқысы. </span>

<span>Қос команда турнир кестесінде қатарлас келеді. Олардың еншісінде 65 ұпайдан бар. Кездесуде жеңіске жеткен команда жағдайын жақсарта түсетін. Екі клуб биыл бір мәрте кездесіп үлгерді. Елордада өткен ойында «Йокерит» 4:2 еебімен жеңіп кетті. Ойынды елордалық хоккейшілер сәтті бастады. </span>

<span>Кездесудің 3-минутында Даррен Диц айдын иелері қақпасынан саңылау тапты. Ал 19-минутта Ессе Йоеэнсу таразы басын теңестірді. Екінші кезең де тартысты өткенімен небәрі бір ғана шайба соғылды. Оны 25-минутта «Барыс» хоккейшісі Никита Михайлис шебер орындай білді. Кездесудің 55-минутында елордалық Аркадий Шестаков есепті ұлғайта түссе, 58-минутта Линус Виддель тағы бір голдың авторы атанды. </span>

<span>Ал ойынның бітуіне небәрі бес секунд қалғанда Дастин Бойд қорытынды есепті белгіледі. Осылайша «Барыс» қарсыласынан 5:1 есебімен басым түсті. Елордалық клуб қатарынан төртінші мәрте жеңіске жетіп отыр. Бүгінгі жеңістен кейін «Барыс» командасы «Йокеритті» артқа тастап, жалпы турнир кестесінде алтыншы орынға көтерілді. </span>

<span>Бұдан бұрын «Барыс» алты ойынның бесеуінде қарсыластарын қапы қалдырған болатын. </span>

<span>Олар 16 қаңтарда елордада Ресейдің «Металлург» (Магнитогорск) командасынан басым түскен еді. Енді «Барыс» қатарынан үш ойынды сырт айдында өткізеді. Алдымен 23 қаңтарда Ресейдің СКА (Санкт-Петербург) командасымен кездессе, 25 қаңтарда «Салават Юлаев» (Уфа), 27 қаңтарда «Автомобилист» (Екатеринбург) командаларымен шеберлік байқасады.</span>