Қазақстандық ойыншы «Висладағы» алғашқы жаттығуын өткізді
Қазақстан құрамасының ойыншысы Георгий Жуков Польшаның «Висла» командасындағы алғашқы жаттығуын өткізді.
«Висла» Польша чемпионатының екінші бөлігіне дайындығын өткізіп жатыр. Оқу-жаттығу жиыны кезінде польшалық ұжым «Сталь» (Мелец, Д2), македониялық «Силекс», грузиялық «Динамо» (Батуми) және «Динамо» (Тбилиси) командаларымен жолдастық матч өткізеді.
Георгий Жуков өткен маусымда «Қайрат» сапында 30 матчқа қатысты, әрі 2 гол соғып, 2 нәтижелі паспен көзге түсті. Ол сонымен қатар Қазақстан ұлттық құрамасымен бірге Еуро-2020 іріктеу кезеңінде өнер көрсетті.
Айта кетейік, «Висла» Польшаның жоғары лигасында бақ сынайтын команда. Сол елдегі тарихы тереңге тартатын клубтардың бірі саналады. 13 мәрте Польша чемпионы атанған.
Ошибка в тексте? Выделите и нажмите Ctrl+Enter
Комментарии
Для того, чтобы оставить комментарий, или