Мартин Сен-Пьер словакиялық клубқа ауысты

Мартин Сен-Пьер Братиславаның «Слован» хоккей клубына ауысты, деп хабарлайды Rosports.kz

Қазақстан құрамасының шабуылшысы жаңа клубымен жыл соңына дейін келісімшартқа отырды.

Айта кетейік, 36 жастағы канадалық бұл маусымды «Шеффилд Стилерс» командасында бастады, онда ол Британия Элиталық хоккей лигасы аясында 5 матч өткізіп, 2 (1+1) ұпай жинады. Осыдан кейін ол венгриялық «Йегешмедвек» сапында өнер көрсетті. Онда 17 ойынға қатысып, 13 (4+9) ұпай жинады.