ҚХЛ: «Барыс» мәскеулік «Динамодан» овертаймда жеңіліп қалды

Құрлықтық хоккей лигасы тұрақты чемпионаты аясында Мәскеудің «Динамосын» өз алаңында қабылдаған астаналық «Барыс» овертаймда жеңіліп қалды, деп хабарлайды Prosports.kz.

Батыс конференциясындағы көшбасшылардың бірі саналатын «Динамо» командасы алғашқы кезеңде екі шайба соғып алды. Ал екінші кезеңде басымдықтыұстап тұра алмаған мәскеуліктердің қақпасына қос шайбаны бір-ақ тоғытқан барыстықтар үшінші кезең басында алға шықты. Камбэкке куә боламыз деп отырғанда, соңғы кезеңнің соңында қонақтар есепті теңестіріп кетті. Ал овертаймда олардың бағыбасым болып, алаң иелерін қапы қалдырды.

ҚХЛ тұрақты чемпионаты

«Барыс» (Нұр-Сұлтан) - «Динамо» (Мәскеу) - 3:4 (ОТ)

Шайба соққандар:

1-кезең

09.03, Миронов - 0:1

12.10, Яшкин - 0:2

2-кезең

04.16, Бойд - 1:2

17.01, Старченко - 2:2

3-кезең

04.16, Cтарченко - 3:2

16.41, Петерссон - 3:3

Овертайм

04, Шипачев - 3:4

27 желтоқсан. Нұр-Сұлтан. «Барыс Арена»