Павел Акользин «Барыстың» қараша айындағы үздік ойыншысы атанды

«Барыс» хоккей клубы қараша айындағы команданың үздік ойыншысын анықтау үшін жанкүйерлердің дауыс беру қорытындысын шығарды, деп хабарлайды Prosports.kz.

Қазақстан астанасындағы жанкүйерлер арасында жүргізілген сауалнаманың көшбасшысы 27% дауыс алған шабуылшы Павел Аколзин болды. Екінші орынды қақпашы Эдди Паскале (19%), үшінші орынды шабуылшы Роман Старченко (13%) иеленді. Марапаттау рәсімі 25 желтоқсанда «Барыс» - СКА матчында өтеді.

Қараша айында Павел Аколзин «Барыстың» тоғыз матчына қатысып, 4 ұпай жинады (2 гол және 2 пас) және команданың екінші бомбардирі атанды.