«Найманның» Алматыдағы жекпе-жегі өтпей қалуы мүмкін

Қазақстандық файтер Қуат Хамитовтың келесі жекпе-жегі өтпей қалуы мүмкін, деп жазады Prosports.kz сайты. <br /><br />Бұған дейін Қуат Хамитов (20-6) 13 желтоқсан күні Краснодарда өтетін GFC 21 турнирінде тәжікстандық Нурилло Алиевпен (4-0) жұдырықтасады деп хабарланған еді. <br /><br />Алайда «Найман» мен Алиевтің жекпе-жегі желтоқсан айының соңында Алматыда өтетін GFC 23 турниріне ауыстырылды. <br /><br />Дегенмен тәжікстандық спортшы Нурилло Алиев Қазақстанға келуден бас тартып отыр. Оның айтуынша, Алматыда төрешілер жеңісті жергілікті спортшыға береді. <br /><br />Айта кетейік, Қуат Хамитов соңғы жекпе-жегінде төрешілер шешімімен Нариман Аббасовтан ұтылған еді.