Қазақстан құрамасының Тайландта өтетін турнирдегі қарсыластары белгілі болды

7-12 қаңтар аралығында Нахон Ратчасима (Таиланд) қаласында волейболдан әйелдер арасындағы құрлықтық іріктеу турнирі өтеді, деп хабарлайды Prosports.kz.

Бастапқыда 8 команда 2020 жазғы Олимпиада ойындарының лицензиялық турниріне келуі керек еді. Бірақ Гонконг командасы қатысу өтінімін кері қайтарып алды. Осылайша, қалған жеті мемлекет екі топқа бөлінді. А тобында: Тайланд, Қытай Тайбэйі және Австралия. Ал Оңтүстік Корея, Қазақстан, Иран және Индонезия В тобында бақ сынайды.

Қазақстан әйелдер құрамасы алғашқы матчын Иран құрамасына қарсы ойнайды. 

Өз топтарында алғашқы екі орынды иеленген командалар жарыстың плей-офф кезеңіне жолдама алады.