«Головкин мен «Канело» үшінші рет кездеседі»
Бокс жайлы CBS Sports бағдарламасының жүргізушісі Рафа Бартоломей мексикалық боксшы Сауль Альварестің келешегі жайлы пікір білдірді, деп жазады Prosports.kz.
Сарапшының айтуынша, Артур Бетербиевтің Александр Гвоздикті нокаутпен жеңуі «Канелоны» үрейлендіріп қойды. Ол енді қайтадан орта салмаққа оралып, Головкинмен үшінші рет жекпе-жек өткізуге келісуі мүмкін.
«Бетербиев «Канело» мен GGG арасындағы үшінші жекпе-жектің өту мүмкіндігін жоғарылатты», - деп жазды журналист.
Айта кетейік, 2 қарашада Альварес жартылай ауыр салмақтағы алғашқы кездесуін өткізеді. Оның қарсыласы ресейлік боксшы WBO чемпионы Сергей Ковалев.
