Футболдан Қазақстан құрамасының қарсыласы допинг дауына ілікті ме?

Футболдан Ресей құрамасы 2022 жылы өтетін әлем чемпионатына қатыспауы мүмкін, деп хабарлайды Prosports.kz сайты Newsweek порталына сілтеме жасап.

Дүниежүзілік допингке қарсы агенттігі (WADA) ресейлік спортшыларды Токио Олимпиадасына қатысуға шектеу қойса, қазіргі таңда футболшыларды қатаң тексерістен өткізіп жатыр.

Тексеру кезінде Ресейдің допингке қарсы агенттігінің 2012-2015 жылдар арасында өз спортшыларының сынақ нәтижелерін қолдан жақсартып, тыйым салынған препараттар қолданғандарына көз жұмып келгені туралы ақпарат пайда болған.

7 қарашада өтетін конгрессте Ресейдің допингке қарсы агенттігінің кінәсі дәлелденсе, онда құрама Катардағы әлем чемпионатына қатыспайды.

Қазіргі таңда Ресей ЕУРО-2020 іріктеу кезеңіне Қазақстанмен бірге бір топта қатысып жатыр.