IBU қазақстандық биатлоншыларды ақтап шығарды

Халықаралық биатлоншылар одағы (IBU) қазақстандық 9 спортшыға тағылған айыпты алып тастады, деп жазады Prosports.kz сайты.

Қазақстан биатлоншылар одағының хабарлауынша, 24 шілде күні Инсбрук қаласында өткен сот отырысының қаулысы бүгін белгілі болды. Қазақстандық 9 биатлоншы, атап айтқанда Галина Вишневская, Алина Райкова, Дарья Климина, Ольга Полторанина, Ян Савицкий, Максим Браун, Анна Кистанова, Антон Пантов және Василий Подкорытовге тағылған айыптар алынып тасталды.

Естеріңізге сала кетейік, өткен жылдың қараша айында Аустрия мен Италия елінің полициясы допингке қарсы ережені бұзды деп Қазақстан құрамасының 9 спортшысын ұстаған болатын.