Жастар арасында Қазақстан Кубогының финалында екі ойыншы жаға жыртысты. Видео

Қарағанды қаласында өткен жастар арасында Қазақстан Кубогының финалында «Ақтөбе» командасының ойыншысы Серік Арғымбаев пен «Арланның» ойыншысы Даниил Клепиков төбелесіп қалды.

Видеодан «Ақтөбе» командасы есепте алға шыққаннан соң «Арланның» ойыншысы Даниил Клепиков қарсыласымен сөзге келіп, артынша Серік Арғымбаевқа жаға жыртысқанын көруге болады. Төрешілер ойыншыларға кім мықтыны анықтауға мүмкіндік беріп, араға түскен жоқ. Қарсыласын мұзайдынға құлатқан Серік Арғымбаев жеңіске жетті.