Олимпиада жүлдегері өз-өзіне қол жұмсады

Канадалық хоккейші Грег Джонсон 48 жасында қайтыс болды, деп хабарлайды Prosports.kz <span>тілшісі ҰХЛ-дың ресми сайтына сілтеме жасап. </span>

Кезінде танымал болған ойыншы суицид жасаған. Джонсонның денесінің қасынан тапанша табылды. Бірақ Грег өлер алдында ешқандай хат қалдырмаған.

Америкалық БАҚ-тың жазуынша, Джонсонның карьерасында бірнеше рет миы шайқалған.

Шабуылшы Ұлттық хоккей лигасында 1993-тен 2006 жылға дейін ойнаған болатын. Хоккейші 1994 жылы Канада құрамасымен бірге Олимпиада ойындарында күміс жүлдеге қол жеткізген.