«Барыс» жаңа маусым алдында Швейцариядағы турнирге қатысады

Астаналық «Барыс» маусымаралық үзілісте Швейцарияда өтетін Лехнер кубогына қатысады, деп хабарлайды Prosports.kz сайты.

Маусым алдындағы турнир 7-ші рет өткелі отыр, ол биыл 15-17 тамыз арасында Зузрзе қаласында ұйымдастырылады.

Оған «Барыстан» бөлек швейцариялық «Амбри-Пиотта», «Цуг» және чехиялық «Витковице-Ридера» қатысады.

Командалар екі кездесуден ойнайды. 16 тамызда «Барыс» «Амбри-Пиоттамен» кездеседі. Ал 17 тамызда «Цугпен» күш сынасады.