Хоккейден әлем біріншілігін жеңіспен бастадық

Өз жерімізде өтіп жатқан турнирде Қазақстан Словенияны тізе бүктірді. 

Тартысқа толы кездесудің алғашы периоды жерлестеріміздің есептегі сенімді басымдылығымен басталды. Алғашқы периодтан кейін Қазақстан 3:0 есебімен жеңіп жатқан. Екінші периодта Словения екі шайбы соғып, алаң иелерін тығырыққа тықты. Абырой болғанда, кездесудің үшінші бөлігінде есеп өзгерген жоқ. Қазақстан сапынан Никита Михайлис екі мәрте, Антон Некряч бір мәрте мергендік танытты. 

Ұлттық құрама келесі матчты 1-ші мамыр күні Литваға қарсы өткізеді. 

Әлем чемпионаты. Бірінші дивизион. А тобы

Словения-Қазақстан (0:3, 2:0, 0:0)