Михайлис: Ойыншылар аз тәртіп бұзуы керек еді

Қазақстан студенттер құрамасының бапкері Юрий Михайлис Шайба.kz сайтына Словакиямен болған жартылай финал ойыны жайында пікірін білдірді.  

- Өте жақсы ойын болды, қос қарсылас аянбай тіресті. Біздің бір ғана қол жеткізе алмағанымыз словактардың қорғанысын бұза алмадық және қақпашысынан айламызды асыра алмадық.  Шабуылшыларымызға айтарлықтай шеберлік жетіспеді, бағыттаған соққыларын қақпашы оңай қайтарып отырды.  

Сондай-ақ, тәртіп жағы ойынға кері әсерін тигізді. Біздің ойыншыларға айдыннан қуылмау керек еді, қорғанысқа көп көңіл бөлу қажет еді. Екі рет ойыннан қуылғанның себебінен, қақпаға екі гол жіберіп алдық, осы голдар матч тағдырын шешті. Жалпы ойыншылар барын салды, оған сөз жоқ.