Универсиада: Қазақстан хоккейшілері Швецияны ойсырата жеңді

<span>Ресейдегі Қысқы универсиада ойындары аясында шайбалы хоккейден В тобында Қазақстан құрамасы екінші кездесуін Швецияға қарсы өткізді, деп хабарлайды ҚазАқпарат.</span>

<span>Қазақстан хоккейшілері Универсиадада сәтті ойын көрсетіп келеді. Бұдан бұрын олар Латвияны 10:1 есебімен ойсырата жеңген болатын. </span>

<span>Бүгінгі кездесуде де айдын үстінде жақсы ойын өрнегін көрсетті. Дегенмен, бірінші кезеңде есеп ашылған жоқ. Екінші кезең бастала салысымен біздің құрама сапынан Артур Шетле мергендік танытты. Бұл ойынның 31-минуты болатын. Ал 41-минутта Валерий Гурин қарсыластар қақпасын дәл көздеді. 44-минутта Владислав Никулин қанжығасын майлады. Есеп - 3:0. </span>

<span>Үшінші кезеңде Швеция құрамасының қақпасына тағы екі шайба соғылды. Атап айтқанда, 44-минутта Никита Клещенко, 59-минутта Валерий Гурин қарсыластарға қақпасын екі мәрте дәл көздеді. Қазақстандықтар кездесуді 5:0 есебімен аяқтады.</span>

<span>Қазақстан құрамасы енді 6 наурызда Ұлыбританиямен кездессе, одан кейін 8 наурызда Швейцариямен, 10 наурызда Канадамен шеберлік байқасады.</span>