Даррен Диц қазақ паспортын алды

"Барыс" хоккей клубының қорғаушысы Даррен Диц жақында Қазақстан азаматтығын алып, Астанада өтетін әлем чемпионатына қатысады. Бұл туралы шайбалы хоккей федерациясының жауапты хатшысы Глеб Каратаев мәлім етті. Сондай-ақ, астаналық клубтың сапындағы өзге ұлт өкілдерінен Кевин Даллмэн, Дастин Бойд, Хенрик Карлссон және Брэндон Боченски де ел намысын қорғамақ.

- Диц Қазақстан азаматтығын алды. "Барыстың" бес ойыншысы Астанадағы әлем чемпионатына қатысады деп жоспарлануда. Қазақстан азаматтығын "Барыстың" өзге легионерлеріне беру жайында әлі ақылдаспадық, - деді функционер.

Әлем біріншілігі 25 сәуір 5 мамыр аралығында Астана қаласында өтеді. Айдын иелерінен бөлек бұл сынға Беларусь, Оңтүстік Корея, Венгрия, Литва және Словения қатысады.