Көкпардан жаңа бүкіләлемдік ереже бекітілді
Бүкіләлемдік көкпар қауымдастығына мүше мемлекеттер жаңа бүкіләлемдік ережені бекітті, деп хабарлайды Prosports.kz сайты.
Енді халықаралық додаларда көкпаршылар қазандыққа емес, шеңберге шабады. Оның диаметрі үш метр. Ал алаңның ұзындығы 200-220 метр, ені 65-75 метр болуы шарт деген стандарт бекітілді.
Сондай-ақ бүгін қауымдастыққа мүшелікке жаңадан елдер қабылданды. Бұрын оған Қазақстан, Мажарстан, Моңғолия және Өзбекстан елдері ғана кірген болса, бүгін мүшелер саны онға жетті.
