Шайбалы хоккейден Қазақстан құрамасы кубоктік турнирде жеңіске жетті

Шайбалы хоккейден Қазақстан құрамасы Кореяда өткен Мұрагерлік Кубогінің жеңімпазы атанды, деп хабарлайды Prosports.kz тілшісі ҰОК баспасөз қызметіне сітлеме жасап.

Соңғы матчта біздің құрама Латвиямен кездесіп, 3:2 есебімен жеңіске жетті. 

Кубоктік дода аясында Қазақстан Жапонияны 5:2, Кореяны 5:1 есебімен жеңген болатын. Өз кезегінде латвиялықтар Кореяны 6:2, Жапонияны 6:3 есебімен ұтқан еді.

Екі үздік команда арасындағы тартысты матч Қазақстанның жеңісімен аяқталды. Ойынның негізгі уақытында қос құрама тек түсіп, овертаймда Антон Некряч соққан шайба біздің командаға жеңіс әкелді. 

Қазақстан – Латвия 3:2 ОТ (0:0, 1:1, 1:1, 1:0)

 0:1 - Биезайс - 22:54

1:1 – Шестаков(Лихотников) - 25:07

2:1 – Клещенко(Гурин) – 41:58

2:2 - Масловскис - 49:19

3:2 – Некряч -63:07 ОТ

Қақпашылар:<span> </span>Кудрявцев  - Цимераманис