Астана жастары шайбалы хоккейден жеңімпаз атанды

<span>Астана жастары шайбалы хоккейден ІІІ қысқы ойындарда жеңімпаз атанды, Бұл туралы Мәдениет және спорт басқармасы хабарлады.</span>

<span>Астанада шайбалы хоккейден жастар арасындағы III қысқы ойындар мәресіне жетті. 2004-2005 жылы туған жасөспірімдер арасындағы кездесулер 30 қаңтар мен 5 ақпан аралығында «Барыс» спорт кешенінде өтті. Төрт жылда бір рет өтетін байрақты бәсекеде Шығыс Қазақстан, Қарағанды, Қостанай, Алматы және Ақмола облыстарынан және Астана, Алматы мен Ақтөбе қалаларынан 8 команда шеберлік байқасты. Елордалық құрама сапында №10 спорт мектебінің хоккейшілері өнер көрсетті. </span>

<span>«Астана» командасы жарыста үздік нәтижеге қол жеткізіп, жастар ойындарының алтын жүлдесіне ие болды. Турнир иелері ешкімге есе жібермей 21 ұпай жинады. </span>

<span>Ақтық жарыста астаналық хоккейшілер Қарағанды облысының командасымен күш сынасты. Кездесу тартысты өтті, қарсылас мықты болғанымен, кездесу 3:2 есебімен елордалықтардың пайдасына шешілді.</span><br /><br /><br />