«Арлан» өз айдынында «Ертісті» ұтты

<span>Көкшетаудың «Арлан» ХК өз айдынында Павлодардың «Ертіс» командасын ұтты, деп хабарлайды ҚазАқпарат тілшісі. </span><br /><br /><span>Қазақстан чемпионатының 7 турының 2 кезеңі шеңберінде өткен ойында қос команданың ойыншылары да алғашқы минуттан шабуылға шықты. Алайда, қонақтар айдын иесінің қақпашысынан айласын асыра алмады.</span><span> Есесіне Савенковтың салаған шайбасы бірінші таймда «Арландықтарды» 1:0 есебімен алға шығарды. Екінші таймда «Арлан» ойыншысы Дастан тағы бір шайба салып, есеп айырмасын еселей түсті. <br /><br />Ал үшінші таймда қонақтар ширақ қимылдап екі мәрте көзге түссе, арландықтар үшінші шайбаны салды. Осылайша, матчтың қорытындысы бойынша «Арлан» ХК 3:2 есебімен маңызды жеңіске қол жеткізді. <br /><br />Ертең 3 ақпанда сағат 17:00 қос команда өзара тағы бір матч өткізеді. <br /><br />Еске сала кетейік, жуырда Көкшетаудың «Арлан» хоккей клубы айды аспанға шығарып, ел тарихында тұңғыш рет «Құрлық» кубогын жеңіп алған болатын. Алыстағы Ирландияда өткен финалдық кездесуде «Арлан» хоккейшілері айдын иелері - жергілікті «Белфаст Джайантс» командасынан басым болды. <br /></span>