Live
Спорттағы коронавирус
Жаға ұстатты
Қысқы

Денис Тенді өлтіргендер қандай колонияда жатады

Денис Тенді өлтіргендер қандай колонияда жатады

Денис Тенді өлтірген Арман Құдайбергенов пен Нұралы Қиясов Алматы облысының ЛА-155/8 колониясында, ал Жанар Толыбаева ЛА-155/4 колониясында жазасын өтейді. Бұл туралы Nur.kz хабарлайды. 

Портал тілшілері колонияларға барып, әйелдер мен еркектер жазасын өтейтін мекеменің жағдайымен танысып қайтты.

Фото:NUR.KZ

Ерлерге арналған ЛА-155/8 колониясы Заречный елді мекенінде орналасқан. Ол жерде ауыр және аса ауыр қылмыс жасағандар, атышулы істермен танылғандар мен танымал тұрғалар жазасын өтеуде. Мысалы, Бақытбек Есетаев, қара риэлторлар қылмыстық тобының бір мүшесі, жазасын өтеген кәсіпкер Қайрат Жамалиев және т.б.

Фото:NUR.KZ

Күзетілетін аймақта асхана, медициналық пункт, клуб бар. Онда әртүрлі шаралар ұйымдастырылады. Мысалы, ашық есік күндері, мерекелер атап өтіледі.

Фото:NUR.KZ

Белгілі күндері жұмыс істейтін дүкен және таксафон бар. Тұтқындалғандар туысқандарына сол арқылы хабарласа алады.

Фото:NUR.KZ
Фото:NUR.KZ

Жазасын өтеушілер арнайы барақтарда тұрады, оның айналасындағы аймақтан тек рұқсатпен шығуға болады.

Фото:NUR.KZ

Олар екі қабатты төсекте ұйықтайды. Таңғы алтыда оянып, кешкі 10-да ұйықтауға жатады. Демалыс күндері жетіге дейін ұйықтауға рұқсат етіледі.

Фото:NUR.KZ

Барақтарда туысқандар жіберген тамақты жеуге арналған бөлмелер бар. Сонымен қатар теледидар көріп, ойын ойнап, бос уақытты өткізетін бөлмелер қарастырылған.

Фото:NUR.KZ

Дәретхана далада орналасқан. Сотталғандар аптасына бір рет моншаға түседі. Жаз кезінде далада душқа түсуге болады. Ал барақтың ішінде тек жуынатын бөлме бар.

Фото:NUR.KZ

Сотталғандардың еңсесін түсірмеу үшін мынадай рух көтеретін мақалалар бар екен.

Фото:NUR.KZ

Олар спортпен шұғылданып, жарыстарға қатысып, марапат та алады екен.

Фото:NUR.KZ

Жауғашты елді мекенінде орналасқан ЛА-155/4 әйелдер колонияның негізін 1937 жылы КСРО кезінде ІІХК қалаған. Көп нәрсе сол кездерді еске салады: ағаш едендер, кеңес кезінде тұрғызылған ғимараттар.

Фото:NUR.KZ

Түрме аумағында ескі асхана бар.

Фото:NUR.KZ

Сотталған әйелдердің тамақтары макарон, шұжық, нан және кофеден тұрады.

Фото:NUR.KZ

Қазақстанда тек Жауғашты колониясында балалары бар әйелдер жазаларын өтей алады. Мұнда балаларға арналған арнайы ойын алаңы бар. Оны америкалық еріктілер отбасы тұрғызған.

Фото:NUR.KZ

Еске сала кетейік, бірнеше айдан кейін Жанар Толыбаева босануға тиіс.

Балаларға арналған бөлме мынандай.

Фото:NUR.KZ

Лагерде балалар аналарымен үш жасқа дейін болады, содан кейін оларды еркіндіктегі туыстарға немесе балалар үйіне жібереді.

Фото:NUR.KZ

Балалары бар әйелдер барақтарда емес, балалар қалашығында тұрады. Бірақ тексеру кезінде тіркеліп отырады.

Фото:NUR.KZ

Балаларға арналған арнайы асхана бар. Онда баланың жасына қарай тамақ әзірленеді. Ананың сүті болмаса, нәрестелерге арнайы қоспа беріледі.

Фото:NUR.KZ

Еске сала кетейік, 17 қаңтар күні Денис Тенді өлтіргендерге және оларға сыбайлас болған әйелге сот үкімі шығарылған болатын.

Фото: NUR.KZ

Ошибка в тексте? Выделите и нажмите Ctrl+Enter
Пікірлер 0