Макгрегор Серронемен жекпе-жек өткізуге келісті

Америкалық файтер Дональд Серроне бүгін Александр Эрнандесті жеңген соң ирландиялық Конор Макгрегорды жекпе-жекке шақырды, деп хабарлайды Prosports.kz.

Макгрегор бірден жауап қайтарды. «Дональд, осындай жекпе-жектен соң мен сенімен жекпе-жек өткіземін», - деп жазды Конор твиттерде.

Айта кетейік, Макгрегор өзінің соңғы жекпе-жегін былтыр 6 қазанда өткізіп, ресейлік Хабиб Нурмагомедовтен ұтылған болатын.