Алексей Полторанин «Тур де Ски» додасын неліктен орта жолда аяқтағанын айтты

Шаңғы тебуден Қазақстар құрамасының көшбасшысы Алексей Полторанин «Тур де Ски» көпкүндігінде біздің ел атынан бір өзі сынға түсті, деп хабарлайды Prosports.kz

Алайда, төрт кезеңнен соң ол жарысқа шығудан бас тартқан болатын. Шаңғышы мұндай шешімді не үшін қабылдағанын түсіндіріп берді.

- Біз әу-бастан төрт кезеңде ғана бақ сынаймыз деп шешкенбіз. «Тур де Ски» додасын біз дайындықтың бір бөлігі ретінде қарастындық. Біздің маусым әлі аяқталған жоқ. Алда өте маңызды жарыстар күтіп тұр. Сондықтан, маусымды қорытындылап, қандай да бір баға беруге әлі ерте, - дейді Полторанин.

Айта кетелік, Алексей Полтораниннің «Тур де Ски» көпкүндігіндегі ең жоғарғы көрсеткіші – 17-ші орын. Ол 15 шақырымға масс-старт әдісімен жарысудан осындай нәтиже көрсетті.