Бокстан әлем чемпионы Қазақстанға келді

Бокстан орта салмақтағы әлем чемпионы Кристина Хаммер қазақстандық жас спортшыларға шеберлік сабағын өткізеді, деп хабарлайды «Хабар 24» порталына сілтеме жасаған Prosports.kz.

Кристина Қарағанды облысында өмірге келген. Бір жасқа толғанда отбасымен Германияға қоныс аударған. Содан бергі 20 жылдан соң бұл Кристинаның туған жерге алғаш келуі.

- Маған Геннадий Головкиннің жұдырықтасу мәнері, техникасы ұнайды. Одан үйренеріміз көп. Бірақ ерлер мен әйелдердің боксы арасында айырмашылық бар. Әйелдер боксында қара күштен гөрі айлаға басымдық береміз. Мен Қазақстанға ұзақ жылдан соң алғаш келіп отырмын. Өте керемет жер екен, әсіресе қазақ жұртының қонақжайлылығына тәнті болдым, - дейді Кристина.