«Қазақ жауынгері» қазақ жерінде алғашқы айқасын өткізеді
Қазақстанның және әлемнің спорт жаңалықтарына жазылыңызҚытайда бокстан «Қазақ жауынгері» деген атпен танымал қандасымыз Елшат Нығматоллаұлы (14-0-1, 5КО) қазақ жерінде алғашқы айқасын өткізеді, деп хабарлайды Prosports.kz.
Қытайдағы жекпе-жек кештерінде өнер көрсетіп жүрген Елшат Нығматоллаұлы Қазақстанның Тәуелсіздік күні мерекесіне орай Астанадағы «Дәулет» спорт кешенінде өтетін кәсіпқой бокс кешінде сынға түседі.
Елшат Нығматоллаұлы 53,5 келі салмақта жұдырықтасады. Ол әлемдік рейтингтегі ең мықты 100 боксшының қатарына кірген. Ал Қытайда өз салмағының көшін бастап тұр.
Ол WBO тұжырымы бойынша Қытай чемпионы және WBC тұжырымы бойынша Азия чемпионы атағына қол жеткізіп үлгерген.