Кевин Даллмэн: Қазақстанда өзімді үйде жүргендей сезінемін

«Йокеритке» қарсы матч «Барыстың» қорғаушысы Кевин Даллмэн үшін ҚХЛ-дағы 600-ші ойын болды.

Матчтан кейін Даллмэн осындай жетістікке қалай жеткенін айтты.

«Білесіз бе, Астанада, Қазақстанда бәрі жақсы. Өзімді үйде жүргендей сезінемін. Сондықтан, ойнау да оңай. Көптеген тамаша хоккейшілермен бірге ойнадым, отбасымнан қолдау сезінемін. Солай жалғастырып, қолымнан келгенше ойнай бергім келеді», - деді Даллмэн.

Айта кетейік, Хельсинкиде өткен матчта «Барыс» буллиттер сериясында 2:1 есебімен жеңген болатын.