Хабиб Нурмагомедов әлемнің ең ықпалды мұсылмандарының тізіміне енді

<span>Жеңіл салмақта UFC чемпионы Хабиб Нурмагомедов әлемдегі ең ықпалды 500 мұсылманның тізіміне кірді, деп хабарлайды 24.kz.</span>

<span>Тізім жыл сайын Themuslim500.com сайтында жаңарып отырады. Нурмагомедовтен бөлек, бұл тізімге тағы жеті спортшы кірген: футболшы Мохаммед Салах, Поль Погба, Месут Озил, бапкер Зинедин Зидан, ФИФА президенттігіне бұрынғы үміткер Али бин Аль-Хуссейн, крикетші Хашим Амла және регбиші Сонни Уильямс. </span>

<span>«Ливерпуль» форварды Мохаммед Салах – топ-50-ге кірген жалғыз спортшы. Ол рейтингтің 46-орнында. Ал жалпы тізімде бірінші тұрған Түркия президенті – Режеп Тайып Эрдоған. </span>

<span>Хабиб Нурмагомедов 2018 жылдың сәуірінде төрешілер шешімімен Эла Яквинтаны жеңіп, UFC чемпионы атанды. Ал 6 қазанда чемпиондық атағын ирландиялық Конор МакГрегорге қарсы сәтті қорғады. </span><br /><br />