Хабиб Зубайрамен бірге UFC-ден кетпекші

UFC чемпионы Хабиб Нурмагомедов командалық жолдасы  Зубайра Тухуговты төбелес шығарғаны үшін қуып жіберсе, промоушннен кететін айтты.<br /><br /><span>«Екі команда да төбелес шығарған болса, неге жалғыз менің тобым жапа шегуі керек?! Егер төбелесті мен бірінші боп бастаған болсам - бітуі керек істі аяқтадым [Конормен]. </span><br /><br /><span>Кез келген жағдайда, мені жазалаңыздар! Тухуговтың не қатысы бар?! Зубайраның жекпе-жегін болғызбадыңыздар! Онымен қоймай, Конорды ұрғаны үшін қумақшысыздар, төбелесті бірінші боп Конор бастаған, ол менің ағамды ұрды [Абубакар]. Видеода бәрі көрініп тұр. </span>

Біліп қойыңыздар, олармен қоса, мені де жоғалтасыздар! Мен бауырларымды орта жолда тастамаймын. Зубайраны жекпе-жектен шеттететін болсаңыздар, мен де арадағы келісім-шартты бұзамын!

<span>Тағы айтарым - маған берілетін сыйақыны өздеріңізге қалдырыңыздар! Бірақ, абайлаңыздар, тамақтарыңызға тұрып қалмасын! - дейді Нурмагомедов өзінің инстаграм парақшасында.</span>

Естеріңізге сала кетейік, Артём Лобовтың менеджері Зубайра Тухуговтың жекпе-жегі болмайтынын хабарлаған болатын.