Хабиб немесе Конорды кім ауыстыратыны анықталды

UFC 229 турнирінде Хабиб Нурмагомедов немесе Конор Макгрегор жарақат алып қалса, оларды кім ауыстыратыны белгілі болды.

Турнирдің басты жекпе-жегіне қатысушылардың бірі жарақат алса немесе басқа себептермен октагонға шыға алмаса, орнына америкалық Тони Фергюсон кездесуге дайын. Бұл туралы UFC басшысы Дана Уайт айтты.

Нурмагомедов пен Макгрегор арасындағы жекпе-жек 7 қазанда Лас-Вегаста өтеді. Фергюсон сол кеште Энтони Петтиспен кім мықтыны анықтайды.