Макгрегор Нурмагомедовпен жекпе-жектен 100 млн доллар табуы мүмкін

<span>Аралас жекпе-жектің (MMA) ирландиялық шебері Конор Макгрегор жеңіл салмақтағы UFC чемпионы ресейлік Хабиб Нурмагомедовпен өтетін жекпе-жектен 100 млн доллар табуы мүмкін. Бұл туралы бейсенбі күні TMZ порталына берген сұхбатында UFC Дэйна Уайт мәлім етті.</span>

<span>Макгрегор Флойд Мэйуезермен кездесудің алдында да 100 млн доллар пайда табуды жоспарлап жатқанын айтқан болатын. Уайт ирландиялық спортшының осы жолы ойдағыдай пайдаға кенелуі мүмкіндігін айтқан. </span>

<span>«Әрине, алуы мүмкін. Макгрегордың PPV (ақылы көрсетілім) көрсеткіштеріне қараңыздаршы, ең жоғары көрсеткіштердің бірі - сонікі», - дейді Уайт. </span>

<span>Еске сала кетейік, 2017 жылғы 27 тамызда Лас-Вегаста Мэйуезерге қарсы бокс ережелері бойынша өткен кездесуде ирландиялық спортшы 10-раундта техникалық нокаутпен жеңіліп, 85 млн доллар еншілеген болатын. </span>

<span>Ал Мэйуезер 275 млн долларға байыған. Showtime-ның ақпаратына қарағанда, жекпе-жек pay-per-view жүйесі арқылы 4,3 млн рет қаралған, бұл тарихтағы екінші көрсеткіш. UFC президентінің жорамалынша, Макгрегор - Нурмагомедов кездесуін ақылы көрсетілім жүйесінде тамашалайтын жанкүйерлер саны 2,6-3 млн аралығында болады.</span>