Алматыда хоккейге арналған тегін үлкен алаң ашылды
Алматыда жаңа үлкен хоккей алаңы ашылды. Оның көлемі 714 шаршы метрді құрайды, деп хабарлайды ақпараттық және спорттық ХАБ.<br /><span> </span><br /><span>Ол Бостандық ауданы, Орбита-1 ықшам ауданы, Біржан көшесі, 16,17,18,19-ші үйлердің арасында орналасқан.</span><br /><span> </span><br />- Біз бүгінгі күнді осы мұз айдынының екінші туған күні деп санайтын боламыз. Алғашқысы 1988-ші жылы, 30 жыл бұрын салынған еді. Осы жолы жаңартылып, қалпына келтірді. Біз өте қуаныштымыз, қыс мезгілін асыға күтетін боламыз,- деді қала тұрғыны, Орбита ауесқой хоккей командасының бапкері Валерий Паршаков.<br /><span> </span><br /><span>Ол хоккей бапкері болып 35 жыл жұмыс істеп келе жатқанын айтып, өзінің ауесқой аула командасымен бірнеше жарыстарға қатысып, жүлделі орындар алғанын есіне алды.</span><br /><span> </span><br /><span>Бұл алаңның ресми ашылуына Алматы әкімі Бауыржан Байбек келіп, тұрғындармен жолықты, ал олар өз тарапынан қала әкіміне алғысын білдірді.</span><br /><span> </span><br /><span>Ең бірінші болып бұл алаңды Алматы хоккей командасының жас спортшылары мен спорт мектептердің шорт-трекшілері сынап көрді. Олар роликпен жаттығу өткізіп, қорапшаның сапасын тексерді.</span><br /><span> </span><br /><span>-</span><span> </span>Бұл қорапша өте керемет. Алматының жас спортшылары өздерін еркін сезініп, жақсы жаттығу өткізді. Осындай алаңдар қалада көп салынса, хоккей жақсы дамитын болады, - деп «Алматы» ХК жастарын дайындайтын бапкер Дмитрий Вилкин өз ойын білдірді.<br /> <br /><span>Айта кетсек, бұл алаң кез келген келушіге тегін. Жазда бұл жерде ролик теуіп, ал, қыста конькимен сырғанауға болады.</span>