Головкин IBF белдігі үшін жекпе-жек өткізбейді

Халықаралық бокс федерациясы (IBF) көктемде қазақстандық боксшы <span>Геннадий Головкиннен (38-0-1, 34 КО)</span> орта салмақ дәрежесіндегі чемпиондық белдігін қайтарып алған еді, деп жазады<span> </span>prosports.kz<span> </span>сайты.

Бұған себеп, <span>GGG өзінің міндетті қарсыласы Сергей Деревянченкомен кездесуге келіспеген болатын. Осыдан кейін аталған ұйым рейтингісінде бірінші және үшінші орында тұрған украиналық Сергей Деревянченко (12-0, 10 КО) мен бұрынғы әлем чемпионы, америкалық боксшы Дэниэл Джейкобс (34-2, 29 KO) осы атақ үшін жұдырықтасатын болған.</span>

<span>Осы жекпе-жек ресми бекітілгеннен кейін кейбір бокс мамандары Головкин Деревянченко-Джейкобс кездесуінің жеңімпазымен кездесіп, өзі айрылған IBF белдігін қайтарып алуы мүмкін деп болжаған еді. Әрі бұл жекпе-жек қыркүйекте өтетін Сауль Альвареспен кездесуінен кейін орын алуы мүмкін екенін айтқан.</span>

<span>Алайда, тағы бір топтағы мамандар бұл болжамды жоққа шығарып отыр. Boxingnews24.com сайтының сарапшысы Дэн Эмброуз Головкин еді IBF белдігіне назар аудармайды деп есептейді.</span>

<span>Оның ойынша, Головкин үшін бұл белдіктің еш маңызы жоқ екен. Егер ол бұл титулды маңызды санаса украиналықпен ерте көктемде-ақ кездестін еді. Ол кезде «Канело» допингпен ұсталып, 5 мамырда өтуі тиіс жекпе-жектен бас тартқан болатын. Сол кезде GGG өзіне лайық қарсылас іздеп әлемді шарласа да, Деревянченкомен жұдырықтасуға асықпаған.</span>

<span>Ал енді әбден болары болып, бояуы сіңгеннен кейін, қайта айналып IBF белдігі үшін жекпе-жек өткізу Геннадийге еш абырой әкелмейді деп отыр. Оның үстіне бұл атақ оның мансабы үшін де маңызды емес. Қаржылық жағынан да берері шамалы. Сол үшін Головкин күндердің күні Деревянченко-Джейкобс кездесуінің жеңімпазымен жұдырықтасады деген бос сөз дейді бокс маманы Эмброуз. </span>