«Сарыарқа» хоккей клубы овертаймда «Зауральені» жеңді

<p style="text-align: justify;"> <strong>Қарағандылық &laquo;Сарыарқа&raquo; хоккей клубы өз алаңда &laquo;Зауралье&raquo; (Ресей, Қорған қаласы) командасын ұтты.</strong></p> <p style="text-align: justify;"> Ойынның бірінші кезеңінде есеп ашылған жоқ. Ал екінші кезеңде &laquo;Сарыарқаның&raquo; хоккейшілері бір ойыншыға кем ойнап жүріп-ақ, қарсыласын қапы қалдырды. Есеп - 1:0. Дегенмен, үшінші кезеңде таразы басы теңесті. Матчтың негізгі уақытында жеңімпаз анықталмаса да, овертаймда, яғни қосымша уақытта &laquo;Сарыарқа&raquo; өз шеберлігін барынша таныта білді. &laquo;Зауральенің&raquo; бір хоккейшісі ережені бұзып, екі минуттық айып уақытын өтеуге аттанған кезде, &laquo;Сарыарқаның&raquo; бас бапкері тайм-аут алды. Содан бір минуттың айналасында Қарағанды қаласының хоккей клубы өз басымдығын іске асыра білді. Кирилл Лебедев екінші шайбаны соғып, команданы жеңіске жетеледі. Қорытынды есеп - 2:1.</p> <p style="text-align: justify;"> Айта кетер жайт, бұл ойында &laquo;Сарыарқа&raquo; екі ұпайға қол жеткізді. Ал &laquo;Зауралье&raquo; бір ұпайды (барлығы 16 ұпай) қанағат тұтты. Соған қарамастан, Қорған қаласының хоккей клубы жалпы турнир кестесенің ең соңғы сатысында қалды. &laquo;Сарыарқа&raquo; болса, 42 ұпаймен 9-шы орында келеді.</p> <p> &nbsp;</p>