«Барыс» хоккей клубы «ЦСКА»-дан жеңілді

<p style="text-align: justify;"> <strong>Елордалық &laquo;Барыс&raquo; хоккей клубы өз алаңында мәскеулік &laquo;ЦСКА&raquo; командасынан ұтылып қалды.</strong></p> <p style="text-align: justify;"> Бұған дейін Мәскеу қаласында өткен ойында &laquo;Барыс&raquo; бұл командаға 0:3 есебімен жол берген болатын. Ал осы жолы Астана қаласының хоккей клубы 2:5 болып ұтылды. Ойынның бірінші кезеңінде қарсыластар екі бірдей шайбамен алға шықты. Алайда "Барыс"&nbsp;екінші кезеңде есеп айырмасын бір шайбаға қысқарта білді. Үшінші кезеңнің басында &laquo;ЦСКА&raquo; таразы басын 1:3-ке жеткізді. Соған қарамастан, &laquo;Барыстың&raquo; хоккейшілері мойымады. Үш минуттың ішінде есеп өзгерді: 2:3. Дегенмен, &laquo;ЦСКА&raquo;-ның төртінші шайбасы жанкүйерлердің үмітін су сепкендей басты. Матчтың соңында &laquo;Барыстың&raquo; бас бапкері Ари-Пекка Селин қақпашыны алып тастап, алтыншы ойыншыны да шығарып көрді. Бірақ команда қорғанысы сыр беріп, бос тұрған қақпаға бесінші шайба кіріп кетті. Қорытынды есеп - 2:5. &laquo;Біз екі әдемі гол соқтық. Алайда біздің негізгі мақсатымыз - тығыз қорғанысты ұстай білу. Оны іске асыра алмадық. Келесі кездесуде осы олқылықты болдырмауға тырысамыз&raquo;, - дейді Ари-Пекка Селин.</p> <p style="text-align: justify;"> Айта кетейік, өз алаңында &laquo;Барыс&raquo; екінші рет ұтылып, бес ұпайдан айырылып отыр. Дегенмен, қазіргі 59 ұпаймен команда Құрлықтық хоккей лигасының Шығыс конференциясында екінші орынды, ал жалпытурнирлік кестеде төртінші орынды сақтап келеді.</p> <p> &nbsp;</p>