Фуркад: Менің жеңістерімді допинг қолданғандар ұрлады

Бес дүркін Олимпиада чемпионы, франциялық биатлоншы Мартен Фуркад спорттағы допинг дауына қатысты өз ойын айтты, деп хабарлайды Le Parisien басылымы.

«Менің кейбір жеңістерімді допинг қолданғандар ұрлап алғанына сенімдімін. Өзім еш дәрінің көмегінсіз көп жеңістерге қол жеткізген спортшылардың бірімін және де ешкімнен жеңісті ұрлаған емеспін. Биатлонда допинг-тексерістері жиі болып тұрады. Біреулері ұсталса, кейбіреулері жазадан құтылып жатады. Жалпы алғанда биатлонда допинг кеңінен тарамаған дүние», — деді Фуркад.